მორიგი თავდასხმა მოხდა მშვიდობიან მოსახლეობაზე ქაბულში. გუშინ, საღამოს სააათებში მეჩეთში, სადაც შიიტი მუსლიმები რამადანის ლოცვაზე იყვნენ შეკრებილები, სამმა ტერორისტმა სცადა შეჭრა. ტერორისტები სალოცავის შესასვლელთან პოლიციამ შეაჩერა, რასაც სროლა მოჰყვა.

 

თვითმხილველების განცხადებით, ორი თავდამსხმელი ძალოვანებმა ადგილზე მოკლეს, მესამემ კი მძევალთან ერთად  მოახერხა მეჩეთის მზარეულოში  შეღწევა, სადაც თვითმკვლელის ქამარი მოიყვანა მოქმედებაში და მძევალთან ერთად აიფეთქა თავი.

 

სამართალდამცველების ინფორმაციით, თავდასხმის შედეგად დაიღუპა 4 ადამიანი, 8 დაშავებული კი საავადმყოფოშია გადაყვანილი.

 

ტერაქტზე პასუხისმგებლობა დაჯგუფება ისლამურმა სახელმწიფომ აიღო..

 

ბოლო დროს ქაბულში გახშირდა თავდასხმები შიიტ მოსახლეობაზე. შარშან, ნოემბერში 30 – მეტი ადამიანი ემსხვერპლა მეჩეთში განხორციელებულ ტერაქტს,ხოლო რამდენიმე კვირის წინ  150 – ზე მეტი დაიღუპა შიიტების საპროტესტო აქციაზე დანაღმული სატვირთო ავტომობილით მიტანილი იერიშის შედეგად.