დღეიდან უქმდება როუმინგის დამატებითი გადასახადი, რომელიც ვროპის ტერიტორიაზე მყოფი ტურისტების მიერ სატელეფონო ზარების განხორციელებისთვის არის დაწესებული.
უცხო ქვეყანაში ჩასულებს ექნებათ შესაძლებლობა დამატებითი გადასახადის გარეშე ისაუბრონ და გააგზავნონ მოკლე ტექსტური შეტყობინება მობილური ოპერატორის მიერ დაწესებული ტარიფით, რომლითაც საკუთარ ქვეყანაში სარგებლობენ.
ამის მიუხედავად, ძალაში რჩება გარკვეული შეზღუდვები – თუ აბონენტი, საკუთარი ქვეყნის ფარგლებს გარეთ 4 თვეზე მეტი ხნით სარგებლობს უფასო როუმინგით, მობილურ ოპერატორს უფლება აქვს მოიკვლიოს ვითარება და შემდეგ დაურიცხოს მას გადასახადი
შეგახსენებთ, ეს გადაწყვეტილება ევროპარლამენტმა მიიღო. არის სხვა ცვლილებებიც. ევროპელმა დეპუტატებმა დაადგინეს, რომ 2016 წლიდან მნიშვნელოვნად შემცირდება ტელესაკომუნიკაციო ფასები. მაგალითად, ევროკავშირის ქვეყნების ერთმანეთთან დაკავშირება 5 ევროცენტზე ძვირი არ იქნება, ხოლო სმს-ის გაგზავნის ფასი 2 ცენტს არ უნდა აღემატებოდეს. უკვე, დადგენილია ინტერნეტის ფასიც. მობილური ინტერნეტის ფასი ერთ ბეგაბაიტში 5 ცენტს არ აღემატება.