საფრანგეთში მაკრონის პარტია ლიდერობას ინარჩუნებს

საფრანგეთის შინაგან საქმეთა სამინისტროს მონაცემებით, ამ დროისთვის საარჩევნო ბიულეტენების 90%-ია დათვლილი. ლიდერობას კვლავ პრეზიდენტ ემანუელ მაკრონის პარტია „რესპუბლიკა, წინ!“ ინარჩუნებს, რომელსაც საპარლამენტო არჩევნებში მონაწილე ამომრჩეველთა ხმების 27.59 % ხვდა წილად. ამ დროის მონაცემებით, მეორე ადგილზე არიან რესპუბლიკელები ხმათა 15.76 %-ით. „ეროვნული ფრონტს“ არჩევნებში მონაწილეთა 13.81 %-მა დაუჭირა მხარი. „დაუმორჩილებელ საფრანგეთს“ ხმათა 10.80 % აქვს, ხოლო სოციალისტურ პარტიას – 7.45 %.საპარლამენტო არჩევნებზე ამომრჩეველთა აქტივობამ 48 % შეადგინა. მე-15 მოწვევის პარლამენტში მანდატის მოსაპოვებლად სულ 17 პარტიის 7882 კანდიდატი იბრძვის. მათ შორის ცენტრისტი პრეზიდენტის, ემანუელ მაკრონის პარტია „რესპუბლიკა წინ“, რესპუბლიკური და სოციალისტური პარტიები, ასევე „დაუმორჩილებელი საფრანგეთი“ და „ეროვნული ფრონტი“. საკანონმდებლო ორგანოში უმრავლესობის მოსაპოვებლად 577-ერთმანდატიანი საპარლამენტო ოლქიდან 289-ში გამარჯვებაა საჭირო.გამარჯვებულად სახელდება კანდიდატი, რომელიც აბსოლუტური უმრავლესობის მოპოვებას შეძლებს, წინააღმდეგ შემთხვევაში კი 18 ივნისს არჩევნების მეორე ტური გაიმართება, სადაც ხმათა ყველაზე მეტი რაოდენობის მქონე ორი ოპონენტი დაუპირისპირდება ერთმანეთს, ან ის კანდიდატები, რომელთაც რეგისტრირებულ ამომრჩეველთა 12,5% დაუჭერს მხარს.

საფრანგეთში მაკრონის პარტია ლიდერობას ინარჩუნებს

სიახლეები

4 ოქტომბრის საქმე – მურთაზ ზოდელავა და ლაშა ბერიძე საპროცესოს ითხოვენ

რუსთავის მე-6 ციხეში გიორგი დავითაძის სოლიდარობის გამო პატიმრებს ხელკეტებით სცემეს-ადვოკატი

რეფორმების შესრულებისთვის ევროკავშირმა მოლდოვას დამატებით €157 მილიონი გადაურიცხა

რამდენიმე სტუდენტს აღენიშნა ალკოჰოლური თრობის შედეგად გამოწვეული შეუძლოდ ყოფნა-CU