აჭარის უმაღლეს საბჭოში „ერთიანი ნაციონალური მოძრაობის“ დეპუტატი გია აბულაძე საკანონმდებლო ორგანოს “პატიმრობის კოდექსში“ ცვლილებებთან დაკავშირებით ინიციატივით მიმართავს. აბულაძის განცხადებით, უმაღლესი საბჭოს თავმჯდომარესა და დეპუტატებს პენიტენციურ დაწესებულებებში სპეციალური ნებართვის გარეშე შესვლის უფლება უნდა ჰქონდეთ. გია აბულაძის თქმით, დღეს უფლებამოსილება მხოლოდ საქართველოს პარლამენტის თავმჯდომარესა და მის მიერ უფლებამოსილ პარლამენტის წევრს აქვს.
როგორც „ნაციონალური მოძრაობის“ დეპუტატი გია აბულაძე აცხადებს, აჭარის უმაღლეს საბჭოში ადამიანის უფლებათა დაცვის კომისიაა შექმნილი, რომელსაც ამ მიმართულებით არანაირი უფლებამოსილება არ გააჩნია.
„უმაღლეს საბჭოში პენიტენციური დაწესებულებებიდან განცხადებები შემოდის და უმაღლესი საბჭო რეაგირებას ვერ ახდენს. ამავე დროს აჭარის უმაღლეს საბჭოში ადამიანის უფლებათა დაცვის საკითხთა კომისაა შექმნილი, რომელსაც ამ მიმართულებით არანაირი უფლებამოსილება არ გააჩნია, თუმცა მისი მთავარი მოვალეობაა დაიცვას ადამიანის უფლებები. კანონპროექტი უმაღლეს საბჭოში წარდგენილია და რეგლამენტით დადგენილი წესით დაიწყება განხილვა“,- განაცახდა გია აბულაძემ.