ნიკა მელია თბილისის საკრებულოს თავმჯდომარეობისთვის იბრძოლებს და ამავდროულად, არაა გამორიცხული, მთაწმინდის ოლქში მაჟორიტარ კანდიდატადაც იყაროს კენჭი.  

არის საუბარი იმაზეც, რომ იგი  ადგილობრივი თვითმმართველობის არჩევნებზე  სავარაუდოდ პირველი ნომერი იქნება ენმ-ს თბილისის პროპორციულ სიაში –  ინფორმაციას ამის შესახებ ენმ-სთან დაახლოებულ წყაროებზე დაყრდნობით, "პირველი რადიო" ავრცელებს.

 

ინფორმაცია გავრცელდა იმ კითხვების პასუხად , რომელიც საზოგადოებაში აღიძრა მას შემდეგ,  რაც  თბილისის მერობის კანდიდატად ენმ-დან "რუსთავი-2-ის" ტელესახე და გენდირექტორის მოადგილე ზაალ უდუმაშვილი ( ჯერჯერობით არაოფიციალურად)  დასახელდა . 

 

შეგახსენებთ ადრე გავრცელებული ინფორმაციით , ენმ- ში თბილისის მერობის ერთერთ რეალურ კანდიდატად ნიკა მელიას განიხილავდნენ, თუმცა ლაპარაკი იყო იმაზეც, რომ  პარალელურად მოლაპარაკებები სხვა კანდიდატურებთან, მათ შორის გრიგოლ ვაშაძესთან და   ზაალ უდუმაშვილთანაც    მიმდინარეობდა.