,,კითხვები მაქვს როგორც სინოდის წევრების მიმართ, ასევე პატრიარქთან. ''– განაცხადა ჭყონდიდის მიტროპოლიტმა მეუფე პეტრემ მარტვილში, წირვის დასრულების შემდეგ სასულიერო პირი აცხადებს, რომ სინოდის სხდომის გამართვას ელოდება და გამოთქვამს იმედს, რომ საკითხები მშვიდობიანად მოგვარდება.
„მაქვს შეკითხვები მოკრძალებული როგორც შეიძლება ჰქონდეს შვილს საკუთარი მამის მიმართ, მისი უწმინდესობისა და უნეტარესობის მისამართით და წმინდა სინოდის რიგი წევრების მისამართით და ვფიქრობ უახლოეს მომავალში შედგება სინოდის სხდომა, რომელშიც სული წმინდის წინამძღოლობით ჩვენი ქვეყნის და ეკლესიის სასიკეთოდ და გაჯანსაღებისათვის გადაწყდება საკითხები მშვიდობიანად,“ – განაცხადა მეუფე პეტრემ ,,პოსტსკრიპტუმთან'' საუბარში.
ქადაგების დროს კი ბრძანა:
„ჩვენზეა დამოკიდებული რამდენად მოვემზადებით სიმდაბლით, სიყვარულით, სიკეთით გულის, განწმენდით და მზაკვართაგან განრიდებით. ეს არის მომზადება სული წმინდის მისაღებად და ჩვენ დავინახეთ თუ რამდენად დაცემული ბნელში მყოფი საზოგადოება, მათ შორის მართლმადიდებელ ქრისტიანად წოდებული, როგორ მზაკვრობით ემზადებოდა“.