კახი კალაძეს თბილისის მერობის სურვილი აქვს, -ამის შესახებ რეგიონული პოლიტიკისა და თვითმმართველობის კომიტეტის თავმჯდომარე გიორგი ლილუაშვილმა ჟურნალისტებთან განაცხადა.
მისი თქმით, კალაძე გამორჩეული ლიდერია და ის თავისუფლად გაუძღვება ისეთ საპასუხისმგებლო თემას, რასაც თბილისის მერობა გულისხმობს:
,,ეს არის გუნდში შესათანხმებელი საკითხი. როგორც ვიცი, კახი კალაძეს სურვილი აქვს. მივესალმები და ვთვლი, რომ კახი ჩვენი პოლიტიკური გუნდის გამორჩეული ლიდერია თავისი გამოცდილებით , წესიერებით, იმიჯით და ის შეძლებს თავისუფლად გაუძღვეს ასეთ საპასუხისმგებლო თემას, რასაც თბილისის მერობა ჰქვია“, – განაცხადა გიორგი ლილუაშვილმა.
შეგახსენებთ, რომ არაოფიციალური ინფორმაციით, გიორგი ლილუაშვილი ენერგეტიკის სამინისტროში კახი კალაძეს ჩაანაცვლებს.