ფინანსთა სამინისტროს საგამოძიებო სამსახურის საგამოძიებო დეპარტამენტის უფროსის მოადგილემ მიხეილ ჩოხელმა თანამდებობა დატოვა.

ფინანსთა სამინისტროს საგამოძიებო სამსახურის საგამოძიებო დეპარტამენტის უფროსის მოადგილემ მიხეილ ჩოხელმა თანამდებობა დატოვა.ამის მიზეზი კაფე "ელ ცენტროში" ყოფილ მთავარ პროკურორ ოთარ ფარცხალაძესა და აუდიტის სამსახურის უფროსს ლაშა თორდიას შორის მომხდარი ინციდენტი გახდა. მიხეილ ჩოხელი ამ ინციდენტის დროს ოთარ ფარცხალაძესთან ერთად იმყოფებოდა."საზოგადოებისთვის კარგად არის ცნობილი კლუბ "ელ ცენტროში" განვითარებული მოვლენების შესახებ, რომელზეც დაწყებულია გამოძიება და საქმეზე გამოკითხული ვარ მოწმის სახით. ჩვენ ყველანი გავხდით მოწმეები ამ ფაქტთან დაკავშირებით სხვადასხვა ანგაჟირებული პირების მხრიდან სუბიექტური და დაუსაბუთებელი განცხადებების, მათ შორის პირადად ჩემს წინააღმდეგ. მე არაერთი წელია, რაც ვარ საჯარო მოხელე, ვმუშაობდი ძირითადად სამართალდამცავ უწყებებში და კარგად ვგრძნობ ჩემს პასუხისმგებლობას საზოგადოების წინაშე. ამდენად, ვინაიდან მონაწილე ვარ ამ ინციდენტის, მიუხედავად იმისა, რომ არანაირი დანაშაული არ მიმიძღვის, იმისათვის, რომ ჩრდილი არ მიადგეს საჯარო სამსახურს და კერძოდ, ფინანსთა სამინისტროს საგამოძიებო სამსახურს, მივიღე ჩემთვის საკმაოდ მტკივნეული გადაწყვეტილება და მიზანშეწონილად ჩავთვალე პირადი განცხადებით დამეტოვებინა თანამდებობა",- ნათქვამია განცხადებაში.მიხეილ ჩოხელი იმედს გამოთქვამს, რომ გამოძიება მალე დასრულდება წერტილი დაესმება ფაქტის ირგვლივ არსებულ სპეკულაციებს.სახელმწიფო აუდიტის სამსახურის ხელმძღვანელ ლაშა თორდიას და ყოფილ მთავარ პროკურორ ოთარ ფარცხალაძეს შორის ინციდენტი 12 მაისს თბილისში, შარდენის ქუჩაზე მდებარე კლუბ "ელ ცენტროში" მოხდა.

სიახლეები

“არ ვიცი სად არის, არ შემხმიანებია, მაგრამ სჯობდა, შემხმიანებოდა” – გვარამია გილაურზე

რატომ დაიხურა “მთავარი არხი”? – ნიკა გვარამია დეტალებზე ალაპარაკდა

თვითონ გჯერათ, რომ საქართველოსთვის მე საფრთხეს წარმოვადგენ? – პაატა ბურჭულაძე მოსამართლეს