რამდენიმე ასეულმა ადამიანმა საპროტესტო აქციაზე მიხეილ სააკაშვილისთვის პარტიის დარეგისტრირებაზე უარის თქმა გააპროტესტა.აქციის მონაწილეებსა და პოლიციას შორის მცირე დაპირისპირებასაც ჰქონდა ადგილი.როგორც მიხეილ სააკაშვილის პარტიის წევრმა ოლგა გალაბალამ განაცხადა, პარტიის რეგისტრაციაზე უარის თქმის შესახებ 22 მაისს გახდა ცნობილი. მისივე თქმით, უკრაინის იუსტიციის სამინისტრომ დაარეგისტრირა ყალბი „მიხეილ სააკაშვილის ბლოკი“, რომელსაც არანაირი კავშირი არ აქვს მიხეილ სააკაშვილთან. თავად მიხეილ სააკაშვილმა აღნიშნა, რომ ხელისუფლების წარმომადგენლებმა პარტია ერთ კონკრეტულ პირზე დაარეგისტრირეს, რომელმაც სახელი და გვარი შეიცვალა და „მიხეილ სააკაშვილი“ დაირქვა. მისივე განმარტებით, უკრაინის ხელისუფლება მისი სახელით რიგი კონტროლირებადი პარტიების შექმნას აპირებს, რათა საპარლამენტო არჩევნებზე ხმები მიიღონ.
მიხეილ სააკაშვილმა მხარდამჭერებთან ერთად უკრაინის იუსტიციის სამინისტროს წინ საპროტესტო აქცია გამართა.
Published on