რიგი საინფორმაციო სააგენტოები ,,გურიის მოამბე'', ,,თაიმს ნიუსი'' და სხვ. ავრცელებენ საქართველოს ყოფილი პრემიერ-მინისტრის, ბიძინა ივანიშვილის ე.წ. საგანგებო განცხადებას, რომელშიც იგი საზოგადოებას მოთმინებისკენ მოუწოდებს.
ივანიშვილი ამბობს, რომ საზოგადოების ძალიან დიდი ნაწილი როგორი გაჭირვებულიც იყო, ისევ ისეთ გაჭირვებული დარჩა ამ ოთხი წლის განმავლობაში, რაც ექსპრემიერის განცხადებით, ხელისუფლების ბრალი არ არის.
4 წლის განმავლობაში მმართველი გუნდი ძირეულ გარდაქმნებს ვერ შეძლებდა.
"დავდივარ რეგიონებში და ერთხელ ჟურნალისტები შესვენების დროს ჩამეკითხნენ, რა არის თქვენი რეგიონებში სიარულის მიზეზი? მე ვუპასუხე, რომ მოთმინებისკენ მოვუწოდებ ხალხს. რატომ მოვუწოდებ? იმიტომ რომ საზოგადოების დიდი ნაწილი, ისევ ისეთივე გაჭირვებული დარჩა ამ 4 წლის განმავლობაში, როგორიც იყო და ძალიან უჭირთ შეაფასონ მთავრობის წვლილი. ძალიან ბევრი უმუშევარია და ძალიან უჭირს ხალხს, შემოსავალიც არ გაზრდია, ან საერთოდ არ გააჩნია ბევრს. როგორც არ ჰქონდა ნაციონალების დროს სამსახური, ისე არა აქვს ახლაც ბევრს."- განაცხადა ივანიშვილმა.
,,კაცია ახლა ეს? დავდივარ და მოთმინებისკენ მოვუწოდებ ხალხსო… – ასე ეხმაურება ივანიშვილის განცხადებას ცოტნე გამსახურდია – ცხრაჯერ მოატყუა, ქვეყანა თავის ბიჭ-ბუჭებს ამოუდო, ნეპოტიზმი და კორუფცია ააყვავა, დაპირებების 90 პროცენტი არ შეასრულა და ახლა – მოითმინეთო. ქვეყანა თავის კარ-მიდამოდ აქცია, 50 დიდი ხე უნდა გადარგოს თავის რეზიდენციაში, რომ ასორმოცდაათი წელი იცოცხლოს!
"საზოგადოების ძალიან დიდი ნაწილი როგორი გაჭირვებულიც იყო, ისევ ისეთ გაჭრივებული დარჩა ამ ოთხი წლის განმავლობაში, რაც ექსპრემიერის განცხადებით, ხელისუფლების ბრალი არ არის. "
აბა, ვისი ბრალია?!'' – წერს ცოტნე გამსახურდია