უკრაინის ოპოზიციურ ძალთა ლიდერის მიხეილ სააკაშვილის მზარდი რეიტინგები ხელისუფლებას სხვა გზას არ უტოვებს, გარდა უბადრუკი მცდელობისა  წვრილ – წვრილი მარიონეტების მიგზავნით შეუშალოს მას ხელი მოსახლეობასთან შეხვედრებში.

ამ თვალსაზრისით,   პოროშენკოს მარიონეტის გამოხდომა მიხეილ სააკაშვილის მიმართ უკრაინაში, ვილკოვოში და რუს- ქართველი ოლიგარქის მარიონეტის, ვინმე ანანიძის  გამოხდომა თვითმფრინავში ერთი ჯაჭვის რგოლებად შეიძლება იქნას განხილული – როგორც ჩანს, ვერც უკრაინის და ვერც საქართველოს ხელისუფლებაში ვერ ეშვებიან ოცნებას იაფფასიანი ,,ტრიუკებით''  ხელყონ მიხეილ სააკაშვილის მზარდი ავტორიტეტი უკრაინელი და ქართველი ხალხის თვალში. 

 

,, დღეს ვილკოვოში ჩამოვედი იმ გზების შესამოწმებლად, რომელიც უდიდესი ძალისხმევით გამოვგლიჯე ხელისუფლებას გასულ წელს. უკრაინის პრეზიდენტმა 26 რიცხვში გააკეთა განცხადება ამ გზის მშენებლობის დასრულების შესახებ, თუმც ეს ბოლომდე სიმართლე არ აღმოჩნდა, მართალია პირველი ფენა დაგებულია, მაგრამ მეორე ფენას ახლა აგებენ და თანაც უკვე გაკეთებული საგაზაო ნიშნულების ზემოდან.

ვილკოვოში ძალიან კარგი ხალხი ცხოვრობს, მოსახლეობა ჩვენთან ერთად იბრძოდა ამ გზისთვის და მადლიერები არის რომ გზა ბოლოს და ბოლოს მაინც კეთდება. მე შემოვიარე მთელი ქალაქი და ვერ ვიპოვე ერთი ადამიანიც კი, რომელიც არ არის ჩვენი მადლიერი.

ასეთი თბილი დახვედრით შეშფოთებულმა ხელისუფლებამ, ჩემი ჩამოსვლიდან 4 საათში, რაიონული ცენტრიდან სასწრაფოდ რაისაბჭოს წარმომადგენელი გამოაგზავნა, ეს ის ტიპი აღმოჩნდა, რომელსაც ჩემი გუბერნატორობის დროს ცაში ავყავდი, რომ მე მოვახერხე ამ გზის დაფინანსების მოპოვება. დღეს კი ის ხელისუფლების ლოზუნგებს ახმოვანებდა, თანაც რატომღაც დრო და დრო პეტრე ალექსეევიჩით მომმართავდა და ეს ყველაფერი ხდებოდა იქ შეკრებილი მოსახლეობის მხრიდან მის მიმართ ზიზღნარევი და დამცინავი სიცილის ფონზე.

უკრაინის მოსახლეობა უკვე ყველაფერს ხვდება და ხელისუფლების ძველი ტრიუკები აღარ მოქმედებს.''- წერს მიხეილ სააკაშვილი თავის პირად ფეისბუქგვერდზე და პოსტს ურთავს  ვილკოვოში მომხდარი მცირე ინცინდენტის ვიდეოჩანაწერს:

,, ნახეთ ვიდეო, თუ გინდათ ცოტათი გახალისდეთ. – დასძენს იგი