გარდაიცვალა ზბიგნევ ბჟეზინსკი, მსოფლიოში ცნობილი პოლიტოლოგი, სოციოლოგი და ეროვნული უსაფრთხოების საკითხებში პრეზიდენტ ჯიმი კარტერის მრჩეველი 1977-1981 წლებში.
ბჟეზინსკი ცნობილი იყო საბჭოთა კავშირისადმი მკვეთრი დამოკიდებულებით, აქტიურად ემხრობოდა ნატოს გაფართოებას აღმოსავლეთით, არის ავტორი არაერთი ცნობილი პოლიტოლოგიური და ანალიტიკური ნაშრომისა, რომელთა შორის ყველაზე ცნობილია „დიდი ჭადრაკის დაფა“.
ბჟეზინსკის მიღებული აქვს ამერიკის უმაღლესი ჯილდო სამოქალაქო პირებისთვის – თავისუფლების მედალი.
ბჟეზინსკი 89 წლის ასაკში გარდაიცვალა აშშ – ში, ვირჯინიის შტატის ერთერთ საავადმყოფოში – ინფორმაცია ამის შესახებ მისმა ქალიშვილმა გაავრცელა.