საქართველოს დამოუკიდებლობის დღეს 300-ზე მეტი წვევამდელი ფიცს დადებს

თავდაცვის სამინისტროს ინფორმაციით, საწყისი საბრძოლო მომზადების ცენტრის სავალდებულო სამსახურის 300-ზე მეტი სამხედრო მოსამსახურე სამხედრო ფიცს დადებს.ფიცის დადების ცერემონია 12 ლოკაციაზე ერთდროულად ჩატარდება. რაც შეეხება პირად შემადგენლობას, მონაწილეობას მიიღებენ სავალდებულო სამსახურის ახალწვეულები და სხვადასხვა ქვედანაყოფები.საქართველოს უმაღლეს მთავარსარდალს პატაკს გენერალური შტაბის უფროსი, გენერალ-მაიორი ვლადიმერ ჩაჩიბაია ჩააბარებს. საქართველოს მოსახლეობას და შეიარაღებულ ძალებს დამოუკიდებლობის დღეს საქართველოს პრეზიდენტი გიორგი მარგველაშვილი და პრემიერმინისტრი გიორგი კვირიკაშვილი მიულოცავენ. „ფიცის დადების შემდეგ სულ სხვა დატვირთვას გრძნობ, სულ სხვა შემართებაა, გარკვეულწილად უკვე შეიარაღებული ძალების შემადგენელ ნაწილად თვლი თავს. პასუხისმგებლობა ერთგვარად იგრძნობა. დარწმუნებული ვარ, თითოეული სამხედრო მოსამსახურე იქნება ამ პასუხისმგებლობით მას შემდეგ რაც ისინი ფიცს დადებენ,“ – განაცხადა საქართველოს შეიარაღებული ძალების საზოგადოებასთან ურთიერთობის სამსახურის უფროსმა ოფიცერმა ემზარ სვანიძემ.საქართველოს დამოუკიდებლობის დღესთან დაკავშირებით თავისუფლების მოედანზე სამხედრო ტექნიკის, შეიარაღებისა და აღჭურვილობის გამოფენაც მოეწყობა. წარმოდგენილი იქნება სამხედრო ტექნიკა, მათ შორის ქართული წარმოების სამხედრო მანქანები და მათი დათვალიერების საშუალება მოქალაქეებს ექნებათ.

საქართველოს დამოუკიდებლობის დღეს 300-ზე მეტი წვევამდელი ფიცს დადებს

სიახლეები

უკრაინელების დრონების გამო, სარატოვსა და სამარაში “დაცხა”

დობროპოლიეს მიმართულებაზე ოკუპანტები მასობრივად ნებდებიან

სამოქალაქო აქტივისტი ნიკა ნარსია დააკავეს

რუსთავში ნარკოდანაშაულზე ერთი პირი დააკავეს, ამოღებულია დიდი რაოდენობით “ალფა პვპ”