ეფექტური და ქმედითი შრომის ინსპექციის შექმნა - ომბუდსმენი კამპანიას იწყებს

ეფექტური და ქმედითი შრომის ინსპექციის შექმნა – სახალხო დამცველი კამპანიას იწყებს. უჩა ნანუაშვილის განცხადებით, ბოლო წლების სტატისტიკა, რომელიც სამუშაო ადგილებზე არასათანადო უსაფრთხოების ზომების გამო გარდაცვლილ და დაშავებულ ადამიანებს ეხებათ, საგანგაშოა.ომბუდსმენი მიიჩნევს, რომ აუცილებელია ყველა საწარმოში არსებობდეს ინსპექტირების მექანიზმი და უსაფრთხოების მინიმალური სტანდარტები.„2011-დან 2016 წლამდე პერიოდში 270-ზე მეტი ადამიანი დაიღუპა, 776 კი, დასახიჩრდა სამუშაოს შესრულების დროს. ეს სტატისტიკაა ის ტენდენცია, რომელიც ვლინდება უკვე წლების განმავლობაში და ამასთან დაკავშირებით ხელისუფლებას კონკრეტული ნაბიჯები არ გადაუდგამს იმისთვის, რომ მდგომარეობა შეიცვალოს. აქ მთავარი გამოწვევა არის ის, რომ მინიმალური სტანდარტები არსებობდეს ყველა საწარმოში არსებობდეს ინსპექტირების მექანიზმი,“ – განაცხადა უჩა ნანუაშვილმა.გამოთქმულ შენიშვნებს ეთანხმებიან საპარლამენტო უმრავლესობის წევრები. ვიცე სპიკერის განცხადებით, საქართველოს პარლამენტის წევრებს უკვე ჰქონდათ შეხვედრა აღმასრულებელი ხელისუფლების წარმომადგენლებთან. მათივე ინფორმაციით, საკითხზე მიმდინარეობს დეტალური მსჯელობა.„მიუხედავად იმისა, რომ არსებობს აღმასრულებელი ხელისუფლების სტრუქტურაში დეპარტამენტი, რომელიც მუშაობს შრომის უსაფრთხოების საკითხებზე, არის ბევრი შენიშვნა და სამართლიანი კრიტიკა ეფექტურობასთან დაკავშირებით და რეალური კონტროლის ბერკეტებთან დაკავშირებით ამ სამსახურის. ჩვენ ვაპირებთ მუშაობას შრომის უსაფრთხოების საკითხებზე და ქმედითი შრომის ინსპექციის ჩამოყალიბებაზე,“ – განაცხადა თამარ ჩუგოშვილმა.

ეფექტური და ქმედითი შრომის ინსპექციის შექმნა – ომბუდსმენი კამპანიას იწყებს

სიახლეები

2026 წლის ერთიანი ეროვნული გამოცდების შედეგებით, 3 141 აბიტურიენტი პროფესიულ საგანმანათლებლო პროგრამებზე ჩაირიცხა

უკრაინამ რუსეთის ქალაქ კოტოვსკში Wildberries-ის ლოგისტიკური ცენტრი დაბომბა

1 სექტემბრიდან რუსთაველის გამზირის მიმდებარე ქუჩებზე გადაადგილების წესები იცვლება

აშშ-მა საიმიგრაციო ვიზების ყველა განაცხადის მიღება შეაჩერა