ევროკავშირი აცხადებს, რომ უზენაესი სასამართლოს მოსამართლეთა შერჩევის წესზე ვენეციის კომისიის რეკომენდაციების გათვალისწინება არის ერთ-ერთი პირობა საქართველოსთვისსაფინანსო დახმარების მისაღებად. ამავდროულად ისინი იმედგაცრუებას გამოთქვამენ საქართველოში მოსამართლეთა შერჩევის წესის ნაჩქარევად შემუშავებისა და მიღების გამო.
“ამიტომ ევროპის კავშირი დაჟინებით ურჩევს საქართველოს, რაც შეიძლება სწრაფად მოსთხოვოს ვენეციის კომისიას იმის შეფასება, შეესაბამება თუ არა მიღებული შესწორებები, მათ წინა რეკომენდაციებს. ახალი წესები, რომელსაც ვენეციის კომისია დამტკიცებს, ერთნაირად უნდა გამოიყენებოდეს ყველა განმცხადებელზე.
უკიდურესად მნიშვნელოვანია, რომ უზენაესი სასამართლო, საქართველოს უმაღლესი სასამართლო ინსტანცია, დაკომპლექტდეს უმაღლესი პროფესიონალური დონისა და კეთილსინდისიერების მოსამართლეებისგან. ვენეციის კომისიის რეკომენდაციების შესაბამისად, უზენაესი სასამართლოს მოსამართლეთა შერჩევის პროცესის გადახედვა არის პირობაც მიმდინარე პროგრამის ფარგლებში საქართველოსთვის მაკროსაფინანსო დახმარების მეორე ტრანშის გამოსაყოფად”, — ვკითხულობთ განცხადებაში.
ეს არ არის პირველი შემთხვევა, როცა საერთაშორისო პარტნიორები საქართველოს ფინანსური დახმარების საკითხს გამოეხმაურენ. პოლიტიკური პარტიებისგან კომპრომისზე უარის თქმის შემდეგ, ეროპარლამენტარებმა საქართველოსთვის მაკროსაფინანსო დახმარების შეჩერება მოითხოვეს.