BBC-ის ცნობით, მცირე ხნის წინ, მანჩესტერში სავჭრო ცენტრ ,,არნდეილიდან'' ცენტრიდან პოლიციამ ხალხის ევაკუაცია მოახდინა. თვითმხილველების თქმით, გაისმა აფეთქების ხმა, რასაც პანიკა მოყვა – ასობით ადამიანი გამორბოდა უსისტემოდ, სანამ პოლიცია არ ჩაერია და ცენტრის ხალხისგან დაცლას მწყობრი და ორგანიზებული ევაკუაციის ფორმა არ მისცა
პოლიციაში არ აკონკრეტებენ, თუ რა არის ევაკუაციის მიზეზი.
Daily Mirror იტყობინება, რომ ცენტი მძიმე შეიარაღებით აღჭურვილი პოლიციელებით არის გარშემორტყმული, საქმეში ჩართულია მეძებარი ძაღლებიც. პოლიცია ცენტრის მიდამოებში შეკრებილ მოქალაქეებს თხოვს დაუყოვნებლივ დატოვონ ტერიტორია, თუმცა არ განმარტავს კიდევ რა და რა ტიპის საშიშროებაა მოსალოდნელი.
ვრცელდება ინფორმაცია , რომ ცენტრის სიახლოვეს დაკავებულია სავარაუდო ამფეთქებელი, იგი ახალგაზრდა მამაკაცია.
მედიაში წერენ, რომ ტერორისტული თავდასხმა სავაჭრო ცენტრ ,,არნდეილზე'' პირველი არ არის. იგი 21 წლის წინათ ირლანდიის რესპუბლიკური არმიის მებრძოლებმა ააფეთქეს.