საინფორმაციო სააგენტო ,,სპუტნიკ აბხაზიას“ ცნობით, დღეს დილით აფხაზეთის დელეგაცია ცხინვალში ჩავიდა. იგი მონაწილეობას მიიღებს სამხრეთ ოსეთის რესპუბლიკის 25 წლისთავისადმი მიძღვნილ საზეიმო ღონისძიებებში. აფხაზეთის დელეგაციას რაულ ხაჯიმბა ხელმძღვანელობს.
,,სამხრეთ ოსეთის რესპუბლიკა ყველაფერს გააკეთებს იმისათვის, რომ ჩვენს ერებს შორის ძმური ურთიერთობები პასუხობდეს ორივე ქვეყნის ინტერესებს – განაცხადა აფხაზეთის დელეგაციის ოფიციალურ მიღებაზე ე.წ სამხრეთ ოსეთის პრეზიდენტმა ლეონიდ თიბილოვმა. – რომ არა თანადგომა ჩვენი მოძმე ერებისა და პირველ რიგში – აფხაზი ხალხისა, რომელმაც იგივე გზა გაიარა, რაც ჩვენ, გაგვიჭირდებოდა ჩვენს წილად მოსულ უამრავ განსაცდელთან გამკლავება. გაიგოს, რომ აფხაზეთისა და სამხრეთ ოსეთის მიერ არჩეულ გზას ალტერნატივა არ გააჩნია.
დამოუკიდებლობის სტატუსით არსებობის 25 წლის მანЯილზე პერმანენტული ომის პირობებში ჩვენ დღემდე გადაუწყვეტელი დაგვრჩა ბევრი ამოცანა, თუმცა ახლა უკვე ჩვენი სახელმწიფოების აღმშენებლობის ახალ ეტაპზე გავდივართ – აღნიშნა თიბილოვმა.
თავის მხრივ თიბილოვს დღესასწაული მიულოცა რაულ ხაჯიმბამ ,,შედგება სამხრეთ ოსეთის რესპუბლიკა – შედგება აფხაზეთის რესპუბლიკაც- აღნიშნა მან – ორივე ქვეყანას ჰყავს საიმედო მოკავშირე რუსეთის სახით, რომელიც ყოველმხრივ გვიწყობს ხელს ეკონომიკური პოტენციალის რეალიზაციას და განვითარებაში.
საქართველო ყოველთვის ვერ აცნობიერებს, რომ საჭიროა მეგობრულად, მშვიდად ცხოვრება მეზობლებთან, მაგრამ დროა გაიგოს, რომ აფხაზეთისა და სამხრეთ ოსეთის მიერ არჩეულ გზას ალტერნატივა არ გააჩნია – განაცხადა ხაჯიმბამ.