საქართველოს მესამე პრეზიდენტი მიხეილ სააკაშვილი თავის პირად ფეისბუქგვერდზე აქვეყნებს ფოტოებს, რომლებზედაც აღბეჭდილი არიან  ის და მისი ვაჟი ედუარდ  სააკაშვილი კურსდამთავრებულთა გამოსაშვებ დღეს. 

 

,,ორი ფოტო, გადაღებული დროის 23 წლიანი შუალედით – 1994 წელს და 2017 წელს.

 

23 წლის წინათ მე მქონდა გამოსაშვები დღე  კოლუმბიის უნივერსიტეტში, ხოლო დღეს ვესწრებოდი ჩემი შვილის ედუარდის გამოშვებას, თუმცა ჩემგან განსხვავებით, მან მიიღო დიპლომი უმაღლესი წარჩინებით.  ამ ძალიან პრესტიჟული კოლეჯის დღევანდელი 380  კურსდამთავრებულიდან  ესოდენ მაღალ წარჩინებას მხოლოდ შვიდმა მიაღწია, ასე რომ ღირს ამის აღნიშვნა. 

 

რამდენიმე დღეში ედუარდი ჟურნალისტურ საქმიანობას შეუდგება ეროვნულ საზოგადოებრივ რადიოში (National public radio), რომელიც ყველაზე დიდი რადიოსადგურია შეერთებულ შტატებში , იგი წაიყვანს გადაცემას, რომელიც კვირაში ორჯერ გავა ეთერში'' – წერს მიხეილ სააკაშვილი