შინაგან საქმეთა სამინისტროს ცნობით, ბათუმში, სტრასბურგის ადამიანის უფლებათა სასამართლოს მოსამართლის, ნონა წოწორიას ძმის, ოთარ წოწორიას სახლში მიმდინარე ჩხრეკისას სამართალდამცველებმა ცეცხლსასროლი იარაღი და სხვადასხვა კალიბრის ვაზნები ამოიღეს
როგორც შსს-ში აცხადებენ, დაინიშნება შესაბამისი ექსპერტიზა. გამოძიება სისხლის სამართლის კოდექსის 236-ე მუხლით მიმდინარეობს, რაც ცეცხლსასროლი იარაღის მართლსაწინააღმდეგო შეძენას, შენახვას, ტარებას, დამზადებას, გადაზიდვას, გადაგზავნას ან გასაღებას გულისხმობს.
,,ყველაფერი ჩემი დის საწინააღმდეგოდ არის გაკეთებული, სავარაუდოდ, ანგარიშსწორებაა- განუცხადა ოთარ წოწორიამ ჟურნალისტებს – ამოღებული ნივთებიდან ორი სანადირო თოფი მისი საკუთრებაა, ხოლო როგორ მოხვდა მის სახლში სხვა იარაღები, არ იცის. ,, სანადირო თოფები ნამდვილად ჩემია, კანონიერად მაქვს. ერთი იარაღი ბაბუაჩემის კუთვნილია და 20 წელია გაფორმებული მაქვს . მემკვიდრეობით მერგო და არასდროს მისვრია. შეგიძლიათ ნახოთ, არც ერთი კარი არ იკეტება. ჩვენ ოჯახს 24 საათის განმავლობაში არ ვტოვებთ, მაგრამ ჩემი სიმამრის გარდაცვალების გამო, 8 დღის განმავლობაში სახლი უკონტროლოდ იყო".
დაახლოებით, თვენახევრის წინ იყვნენ ჩემთან, ავტოფარეხში მოსული. მე ვარ ავტოფარეხის მეპატრონე, ასევე ლიდერი სპეციალისტი, შეამოქმეს დანადგარები, მოითხოვეს დანადგარების პასპორტები, რაც აბსოლუტურად გამჭვირვალეა და განბაჟების საბუთებიდან დაწყებული შეძენის საბუთებამდე ყველაფერი არსებობს, რამდენიმე შეამოწმეს, მოტრიალდნენ და წავიდენენ,”- განაცხადა მან.
კითხვაზე, თუ რატომ უკავშირებს საკუთარი დის საქმიანობას ამ ყველაფერს, ოთარ წოწორია პასუხობს:
“ჩემი და იყო ადეიშვილის მოადგილე და ალბათ ამიტომ”.
წოწორიას ადვოკატი აცხადებს, რომ ოთარ წოწორია ერთი კვირა სახლში არ იმყოფებოდა, სახლის ის ნაწილი კი სადაც იპოვეს იარაღი ღია იყო, კერძოდ იარაღი ამოიღეს საკუჭნაოდან და სამზარეულოდან" .