ომბუდსმენი: საქართველოში ლგბტი ადამიანები თავს დაცულად ვერ გრძნობენ

"ლგბტი ადამიანები თავს დაცულად ვერ გრძნობენ ისეთი მნიშვნელოვანი უფლებებით სარგებლობისას, როგორიცაა განათლება, დასაქმება, ჯანმრთელობის დაცვა და სხვა. მნიშვნელოვანია, საზოგადოების ცნობიერების ამაღლება ამ დღის აღნიშვნის არსისა და მნიშვნელობის შესახებ, საზოგადოებაში ლგბტი თემის მიმართ არსებული ჰომოფობიური წინასწარგანწყობების შესამცირებლად".სახალხო დამცველის რწმუნებულები 17 მაისს, მთელი დღის განმავლობაში დააკვირდებიან ქვეყანაში მიმდინარე მოვლენებს.მოსახლეობას 24 საათის განმავლობაში შეუძლია საქართველოს სახალხო დამცველის აპარატის ცხელ ხაზს დაუკავშირდეს, ნომერზე 14–81.17 მაისს მთელ მსოფლიოში ჰომოფობიასთან ბრძოლის საერთაშორისო დღეს აღნიშნავენ, თუმცა მას შემდეგ, რაც 2013 წლის 17 მაისს თბილისში ჰომოფობიის წინააღმდეგ გამართული აქცია სასულიერო პირებმა და მათმა მხარდამჭერებმა დისკრიმინაციული მოტივებით დაარბიეს, ილია მეორის ინიციატივით, 17 მაისი საქართველოში ოჯახის სიმტკიცის დღედ გამოცხადდა. სწორედ ამიტომ, ამ დღეს სასულიერო პირები მართავენ მსვლელობას ხატებით მრევლთან ერთად.2017 წლის 17 მაისის აქცია ძალადობის წინააღმდეგ, თბილისში მხოლოდ ერთ საათს გაგრძელდა, რა დროსაც უსაფრთხოების ზომები მაქსიმალურად იყო გამკაცრებული. აქტივისტების მოსაზრებით, აქციის ამ პირობებში ჩატარებაც კი ლგბტ პირთა არასახარბიელო მდგომარეობის ილუსტრირებაა.

ომბუდსმენი: საქართველოში ლგბტი ადამიანები თავს დაცულად ვერ გრძნობენ

სიახლეები

Apple-მა App Store-იდან წაშალა რუსული VK-ს აპლიკაციები, როგორიცაა Odnoklassniki

რუსეთის მიერ ცხინვალის რეგიონის ფაქტობრივი ანექსიის პოლიტიკა აგრესიულ ეტაპზე გადავიდა – SJC

ზელენსკი- ბელარუსში გაითიშა სისტემა, რომელიც უკრაინაზე იერიშების კორექტირებას ახდენდა

ევროსაბჭომ საქართველოს შესახებ ახალი რეზოლუცია დაამტკიცა