სოფელ ნაკრასთან ჩამოწოლილი მეწყერისა და ქვათაცვენის საშიშროების გამო, ზუგდიდი-ჯვარი-მესტიის ცენტრალური გზის რამდენიმე მონაკვეთი ჩაიკეტა.
ნასკრასთან გამავალ გზაზე წუხელ მთელი ღამე მიმდინარეობდა გაწმენდითი სამუშაოები და დილითმისი გახსნა მოხერხდა, მაგრამ ამ დრომდე ჩაკეტილია კალა-უშგულის მონაკვეთი – გზის ამ მონაკვეთზე ყველა სახის ავტოტრანსპორტის მოძრაობა აკრძალულია . ჩაკეტილია ხუთი სოფელი.
გადაწყვეტილება გზების დეპარტამენტმა უსაფრთხოების მიზნით მიიღო. აქ დილიდან მიმდინარეობს გაწმენდითი სამუშაოები და ვარაუდობენ, რომ თუ მეწყრისა და ქვათაცვენის საშიშროებამ გადაიარა, მოძრაობა შუადღისთვის აღდგება, თუმცა
ამინდის გრძელვადიანი პროგნოზი არ იძლევა ოპტიმიზმის შესაძლებლობას – სინოპტიკოსები მაისის ბოლომდე პროგნოზირებენ ინტენსიურ წვიმას და შესაბამისად – ღვარცოფებსა და ქვათაცვენას.