ისრაელის მედიის ცნობით, ამ ქვეყნის სანაპიროსთან მკვდარ ზღვაში ყველაზე მდიდარი რუსი პარლამენტარი, ფრაქცია ელ-დე-პე-ერ-ის დეპუტატი, 69 წლის ვასილი ტარასიუკი დაიხრჩო.
ყველასთვის ცნობილია, რომ მკვდარ ზღვაში მარილის მაქსიმალური შემცველობის გამო, ფიზიკის ყველა კანონით, ადამიანი არ უნდა დაიხრჩოს. ტურისტები ამ ზღვაში ცურვას ზედმეტი მოძრაობების გარეშე ახერებენ და უმოძრაო მდგომარეობაში, წყალზე მწოლიარე გაზეთსაც კი კითხულობენ… მიუხედავად ამისა, ჟირინოვსკის თანაპარტიელი რუსი პარლამენტარი, რომელიც დუმის დეპუტატებს შორის ყველაზე მდიდარ ადამიანად ითვლებოდა, შაბათს 6 მაისს დილით სასტუმრო Herods-ის პლაჟიდან წყალში ჩასვლიდან ცოტა ხანში მაშველებმა დამხრჩვალი ამოიყვანეს.
მიუხედავად იმისა, რომ რუსი დეპუტატი 4 დღის წინ დაიხრჩო და ამაზე ისრაელის მედიაში დაიწერა, რუსეთის ხელისუფლებამ მხოლოდ 10 მაიის გაავრცელა ინფორმაცია ქვეყნის პარლამენტარის დაღუპვის თაობაზე.