დონალდ ტრამპმა შეერთებული შტატების ფედერალური საგამოძიებო ბიუროს ხელმძღვანელი, ჯეიმს კომი, თანამდებობიდან გაათავისუფლა.ინფორმაციას თეთრი სახლის პრეს-სამსახური ავრცელებს.პრეზიდენტმა მოულოდნელი გადაწყვეტილება გენერალური პროკურორის ჯეფ სეშენსის რეკომენდაციით მიიღო.ტრამპი აღნიშნავს, რომ ჯეიმს კომის აღარ შეუძლია, ეფექტურად მართოს ფედერალური ბიურო. დემოკრატიული პარტიის წარმომადგენლების მტკიცებით, კომის გათავისუფლება FBI-ის მიერ ტრამპის წინასაარჩევნო კამპანიის რუსეთთან კავშირებს გამოძიების გამო მოხდა.დემოკრატები ამ საქმეზე დამოუკიდებელი პროკურორის დანიშვნას ითხოვენ.