ერთიანი ნაციონალური მოძრაობა ქალაქ ზუგდიდის მერიას და ზუგდიდის მუნიციპალიტეტის გამგეობას საბიუჯეტო თანხების არამიზნობრივ ხარჯვაში ადანაშაულებს.ამის შესახებ დღეს პარტიის ზუგდიდის ორგანიზაციაში განაცხადეს და მედიას ხარჯების შესახებ დოკუმენტური ინფორმაციაც მიაწოდეს.პარტიის წევრის, ლევან თორიას ინფორმაციით, 1 699 434 ლარი ავტომანქანებზე დახარჯა. მისივე განმარტებით, ამ თანხაში არ შედის საწვავით უზრუნველყოფა, ქართულმა ოცნებამ აღნიშნული თანხა მანქანების შეკეთებაში დახარჯა.
დღევანდელ ბრიფინგზე ლევან თორიამ ადგილობრივი ხელისუფლების მიერ სარესტორნო მომსახურებაში დახარჯული თანხების შესახებაც ისაუბრა. მისი თქმით, ადგილობრივმა ხელისუფლებამ 70 921 ლარი გასტრონომიულ მომსახურებაზე დახარჯა. მან ბრიფინგზე კონკრეტული საკვებისთვის დახარჯული ხარჯთაღრიცხვა წარმოადგინა.
თორიას განცხადებით, აღნიშნული ხარჯვა წელიწადნახევრში მოხდა. ოპოზიციური პარტიის წარმომადგენლის თქმით, ნაცვლად სოციალურად დაუცველი და გაჭირვებულ ხალხზე ზრუნვისა, ქართული ოცნების ხელისუფლება პირადი კეთილდღეობისთვის მუშაობს.აღნიშნულ თემაზე კომენტარი ამ წუთამდე არ გაკეთებულა ქალაქ ზუგდიდის მერიასა და მუნიციპალიტეტის გამგეობაში.