თურქეთში, დღეს ჩატარებული სპეცოპერაციის შედეგად ფეთჰულა გიულენის ორგანიზაციასთან კავშირში ეჭვმიტანილი 800 ( ზოგიერთი ცნობით, 1000-მდე) პირი დააკავეს.
პოლიციის სპეცოპერაციის ფარგლებში, თურქეთის 81 პროვინციიდან 54 – ში განხორციელდა რეიდები, რომლის სამიზნე ფეთჰულა გიულენის ორგანიზაციის საიდუმლო სტრუქტურები იყო, სპეცოპერაციაში 8, 5 ათასი პოლიციელი მონაწეილეობდა.
თურქეთის შს მინისტრის თქმით, ოპერაცია კიდევ გრძელდება – თურქეთის შესაბამისი უწყებების მიერ გაცემულია დაკავების ორდერები ფეთჰულა გიულენის ორგანიზაციასთან კავშირში ეჭვმიტანილ 3,224 პირზე გასცეს. აღნიშნულის შესახებ CNN Turk იუწყება.
შეგახსენებთ, 2016 წლის 15 ივლისის სახელმწიფო გადატრიალების მცდელობის შემდეგ ოფიციალურმა ანკარამ აშშ-ში მცხოვრებ ფეთჰულა გიულენს ბრალი დასდო გადატრიალების მცდელობის ორგანიზებაში, ხოლო მისი ორგანიზაცია ტერორისტულად სცნო.