ზუგდიდის სასამართლომ ენგურის ხიდთან დაკავებული დარეჯან როგავა 250 ლარიანი ჯარიმის სანაცვლოდ  გაათავისუფლა.

 

ზუგდიდის სასამართლომ როგავას საქმე ადმინისტრაციულ სამართალდარღვევათა კოდექსის 166-ე და 173-ე მუხლებით განიხილა, რაც წვრილმან ხულიგნობას და პოლიციისთვის წინააღმდეგობის გაწევას გულისხმობს. 

 

სამართალდამცველებმა ელგუჯა როგავას და, დარეჯან როგავა ენგურის ხიდთან მიმდინარე აქციაზე  დააკავა. აქციის მონაწილეებმა გზის ჩაკეტვა სცადეს,  თუმცა პოლიციამ მათ ამის საშუალება არ მისცა, რასაც სამართალდამცველებსა და როგავების ოჯახს შორის სიტყვიერი და ფიზიკური დაპირისპირება მოჰყვა.

 

შეგახსენებთ, რომ 25 წლის პაატა როგავა და 59 წლის არჩილ როგავა სოფელ რიყედან 20 დღის წინ გაიტაცეს. როგავების ოჯახი აცხადებს, რომ ხელისუფლება არანაირ ზომებს არ იღებს დაკავებულების გასათავისუფლებლად და ისინი იძულებულები არიან პროტესტის ამ ფორმას მიმართონ.