ზუგდიდის რაიონულ სასამართლოში სავარაუდოდ,რამდენიმე წუთში დაიწყება სასამართლო პროცესი, რომელიც ენგურის ხიდზე დაკავებული დარეჯან როგავას საქმეს განიხილავს. საქმე განიხილება სასამართლო ადმინისტრაციულ სამართალდარღვევათა კოდექსის 166-ე და 173-ე მუხლებით , რაც წვრილმან ხულიგნობას და პოლიციისთვის წინააღმდეგობის გაწევას გულისხმობს.
ენგურის ხიდთან რამდენიმე კვირის წინ დაკავებული მამა-შვილი როგავების ოჯახის წევრებმა დღეს საპროტესტო აქცია გამართეს. მათ ენგურის ხიდის მისასვლელთან ცოცხალი ჯაჭვი გააბეს და დაკავებულების გათავისუფლება მოითხოვეს. სამართალდამცავების მოთხოვნას, რომ აქციის მონაწილეებს გზა გაეთავისუფლებინათ, შელაპარაკება მოჰყვა, დაკავებულია აქციის ერთ-ერთი მონაწილე პაატა როგავას და – დარეჯან როგავა.