ქალაქ ზუგდიდის მუნიციპალიტეტის საკრებულოს რიგგარეშე სხდომაზე, რომელიც 26 აპრილს გაიმართება, საკრებულოს თავმჯდომარის მოადგილის, გიორგი თოდუას გადაყენების საკითხს უყრიან კენჭს. ამის შესახებ ინფორმაცია დღეს საკრებულოს პრესსამსახურმა გაავრცელა.„ქალაქ ზუგდიდის მუნიციპალიტეტის საკრებულოს წევრების 2017 წლის 25 აპრილის წერილის საფუძველზე, 26 აპრილს მოწვეულია რიგგარეშე სხდომა, ქალაქ ზუგდიდის მუნიციპალიტეტის საკრებულოს თავმჯდომარის მოადგილის გადაყენების თაობაზე“, – ნათქვამია განცხადებაში.გიორგი თოდუა მისი გადაყენების საკითხს პოლიტიკურ სარჩულს უკავშირებს. გიორგი თოდუას თქმით, მას ყოველთვის ქონდა ამა თუ იმ საკითხზე განსხვავებული მოსაზრება და არ გამორიცხავს, რომ მისი გადაყენების ერთ-ერთი მიზეზიც ეს იყოს. გიორგი თოდუა საკრებულოს თავმჯდომარის მოადგილედ 2014 წლის ადგილობრივი თვითმმართველობის არჩევნების შემდეგ აირჩიეს.ის იყო „რესპუბლიკური პარტიის“ წევრი და ზუგდიდის ორგანიზაციის თავმჯდომარე. მან პარტია 2016 წლის საქართველოს პარლამენტის არჩევნების შემდგე დატოვა. ის არჩევნებში „რესპუბლიკური“ პარტიიდან ზუგდიდის მაჟორიტარი დეპუტატობის კანდიდატი იყო.
ქალაქის საკრებულოს რიგგარეშე სხდომაზე საკრებულოს თავმჯდომარის მოადგილის გადაყენების საკითხს უყრიან კენჭს, თავად გიორგი თოდუა კი ამ საკითხს პოლიტიკურ კონტექსტში განიხილავს
Published on