სოხუმის საქალაქო სასამართლომ საქართველოს მოქალაქეების პაატა და არჩილ როგავებს ორთვიანი პატიმრობა მიუსაჯა. მამა- შვილი ამჟამად ე.წ. აფხაზეთის სუს-ის საგამოძიებო იზოლატორში ყავთ დაკავებული.
,,მიმდინარე წლის 5 აპრილს აფხაზეთის სახელმწიფო უსაფრთხოებისა და რუსეთის სახელმწიფო უსაფრთხოების ფედერალური სამასახურის სასაზღვრო სამმართველოს თანამშრომლებმა გალში, სოფელ აბააქიტის მიდამოებში საზღვრის გადაკვეთის მცდელობისას დააკავეს ზუგდიდის რაიონის სოფელ რიყეში მცხოვრები მამა-შვილი პაატა და არჩილ როგავები. დაკავებისას პაატა როგავამ წინააღმდეგობა გაუწია მესაზღვრეებს და ერთერთ მათგანს ბლაგვი საგნით ( ქვით) დარტყმა მიაყენა სახის არეში’’ –
აფხაზეთის სუს-ის საგამოძიებო განყოფილების მიერ როგავების მიმართ აღიძრა სისხლის სამართლის საქმე აფხაზეთის სისხლის სამართლის კოდექსის მეორე ნაწილის 324 – ე მუხლით, რომელიც ითვალისწინებს სახელმწიფო საზღვრის უკანონო გადაკვეთას ოირთა ჯგუფის მიერ წინასწარი ურთიერთშეთანხმებით, ამასთან პაატა როგავას ბრალი წარდგენილი აქვს კიდევ ერთი მუხლით, რომელიც გულისხმობს ძალის გამოყენებას ხელისუფლების წარმომადგენლის მიმართ'' – ნათქვამია ოკუპირებული აფხაზეთის სახელმწიფო უსაფრთხოების სამსახურის ოფიციალურ ვებგვერდზე განთავსებულ ინფორმაციაში.
შეგახსენებთ, 5 აპრილს მომხდარის ქართულ ვერსიას: რუსმა ოკუპანტებმა ენგურის ნაპირებიდან გაიტაცეს ზუგდიდის რაიონის სოფელ რიყის მცხოვრები მამა-შვილი როგავები , რომლებიც დაკარგულ ცხენს ეძებდნენ და და მდინარის გაღმა ნაპირს მიუახლოვდნენ, თუმცა ადმინისტრაციული საზღვარი არ დაურღვევიათ. გატაცებულები, ოჯახის წევრების ინფორმაციით, იარაღის მუქარით ამოიყვანეს წყლიდან და დაატყვევეს