წალენჯიხის მუნიციპალიტეტის სოფელ ჯვარში მცხოვრები მოსახლეობა ამდრომდე დახმარების მოლოდინშია. როგორც ადგილობრივები აცხადებენ სტიქიის შედეგად დაზიანებული სახურავების რეაბილიტირება ჯერ არ მომხდარა და მათ საცხოვრებელ სახლებში წყალი შესდით. 2 დღის წინ სამეგრელო სტიქიამ მნიშვნელოვნად დააზარალა.სტიქიამ ქალაქ ჯვარში ხუთ მაღალსართულიან საცხოვრებელ სახლს სახურავი გადახადა. ასევე დაზიანებულია 30-ზე მეტი კერძო საცხოვრებელი სახლის სახურავი მუჟავაში, ჭალეში, ჩქვალერში, ფოცხოეწერსა და ლიაში. ძლიერმა ქარმა მრავალწლიანი ხეებიც მოგლიჯა. მთელი დღის განმავლობაში გზები დაზიანებული ხეებისგან სუფთავდებოდა, წაქცეული ხეები მოიჭრა ეზოებსა და პარკებში. ძლიერი ქარის შედეგად მუნიციპალიტეტს ელექტროენერგიის მიწოდების პრობლემა შეექმნა. წაქცეულმა ხეებმა ელექტროგადამცემი ხაზების დაზიანება გამოიწვია. ძლიერმა ქარმა ასევე პრობლემები ჯვარის საავადმყოფოსაც შეუქმნა. კლინიკის პერსონალის განცხადებით, წაქცეულმა ხემ კორპუსის მიმდებარედ ელექტროენერგიის კაბელები გაწყვიტა, რის შედეგადაც სამშობიარო საავადმყოფო დენის გარეშე დარჩა. წალენჯიხის მუნიციპალიტეტის გამგებლის, ბესიკ ფარცვანიას განცხადებით სტიქიის გამო წალენჯიხის მუნიციპალიტეტში საგანგებო შტაბიც შეიქმნა, რომელსაც სამეგრელო-ზემო სვანეთის გუბერნატორი ხელმძღვანელობს.ლევან შონია გუშინ ინფრასტრუქტურის მინისტრის მოადგილესთან კახა გულედანთან ერთად ჯვარში იმყოფებოდა. მოსახლეობა მინისტრის მოადგილეს დაუპირისპირდა და ადგილობრივი ხელისუფლება უყურადღებობაში დაადანაშაულა.