პროკურატურა ”ცენტრ პოინტის” დამფუძნებლებთან მაია რჩეულიშვილთან და რუსუდან კერვალიშვილთან საპროცესო შეთანხმების გაფორმებას ამ ეტაპზე არ აპირებს, – ამის შესახებ ”ცენტრ პოინტის” საქმის პროკურორმა დავით გუმბერიძემ ჟურნალისტებს განუცხადა. როგორც გუმბერიძემ განმარტა, პროკურატურა არ არის თანახმა საპროცესო შეთანხმება იმ პირობებით გაფორმდეს რა პირობებსაც სახელმწიფო ბრალდებას დაცვის მხარე სთავაზობს. მისივე თქმით, თუ დაიწყება დაზარალებულების დაკმაყოფილება და მშენებლობები განახლდება, ამ შემთხვევაში ბრალდებულებთან საპროცესო შეთანხმება გაფორმდება. ”ჩვენი პირობები კარგადაა ცნობილი დაცვის მხარისთვის, ეს არის დაზარალებულთა დაკმაყოფილება და მათი მხრიდან მშენებლობების დასრულება. დღეის მდგომარეობით წინგადადგმული ნაბიჯები არ არის, შემოგვთავაზეს რეალური ინვესტორი, რომელიც დაასრულებს იმ ვალდებულებს, რომელიც გააჩნდა „ცენტრ პოინტ“ ჯგუფს, ბრალდების მხარე ამ მოცემულობით არ გააფორმებს ბრალდებულებთან საპროცესო შეთანხმებას”, – განაცხადა დავით გუმბერიძემ.
მაია რჩეულიშვილთან და რუსუდან კერვალიშვილთან საპროცესო შეთანხმება არ გაფორმდება – პროკურატურა
Published on