საქართველოს მესამე პრეზიდენტი ვარაუდობს, რომ წინასაარჩევნოდ ქართული ოცნება ფარული ჩანაწერებით მანიპულირებას ისევ შეეცდება. ამის შესახებ მიხეილ სააკაშვილმა სპეციალურ ვიდეომიმართვაში თქვა, სადაც ამომრჩევლებს არჩევნებზე მისვლისკენ მოუწოდებს – მოიგონეს ყალბი ისტორიები, კიდევ აპირებენ რაღაც ჩანაწერების გამოყრას, მაგრამ იმისათვის, რომ ხალხი მოვიდეს, ახლა უნდა გავიშალოთ – ამბობს მიხეილ სააკაშვილი.
გაერთიანებული ოპოზიციის პრემიერმინისტრობის კანდიდატის თქმით, ოცნების ხელისუფლების იმედი მხოლოდ ადმინისტრაციული რესურსი და მოსყიდვაა. მესამე პრეზიდენტი “ძალა ერთობაშიას” აქტივისტებსა და პოლიტიკურ ლიდერებს მოუწოდებს, რეგიონებში გავიდნენ და მოსახლეობა დაარწმუნონ, რომ არჩევნებზე მისვლა აუცილებელია
მე მინდა ვუთხრა “ერთიანი ნაციონალური მოძრაობის” და “გაერთიანებული ოპოზიციის – ძალა ერთობაშიას” სიის ყველა წარმომადგენელს, ყველა აქტივისტს, ყველა ჩვენს ლიდერს – გავიშალოთ რეგიონებში..მთავარია, ხალხს ვუთხრათ, რომ არჩევნებზე მოსვლას აქვს აზრი – იმიტომ, რომ ეს არის ერთადერთი გზა სიტუაციის მკვეთრად შეცვლის, მათ შორის კოვიდ-ვირუსის სიტუაციის გამოსწორების, მათ შორის ეკონომიკური სიტუაციის სწრაფი გამოსწორების, მათ შორის ყველა იმ საკითხის გადაწყვეტის, რომელიც თითოეულ ადამიანს აღელვებს. მთავარია ვიყოთ ძალიან აქტიურები და ეს საქმე მივიყვანოთ ბოლომდე – ჩვენი გამარჯვება იქნება გარდაუვალი! -.ამბობს მიხეილ სააკაშვილი.