მარტვილის საკათედრო ტაძარში ქურდობის მორიგი შემთხვევა დაფიქსირდა. ინფორმაციას ამის შესახებ ,,მთავარი არხი”ავრცელებს.
,,მირქმის ტაძრის საკურთხეველში, დედაოებს შესაწირი ყუთი გატეხილი, იქ მოგროვილი თანხა კი წაღებული დახვდათ. დედა სალომეს ინფორმაციით, ქურდობის ფაქტი გუშინ, 11 ოქტომბერს მოხდა” -ნათქვამია ჟურნალისტ ემა გოგოხიას მიერ მომზადებულ სიუჟეტში.
,,სასულიერო პირების ინფორმაციით, ყუთი 3 თვეა არ გახსნილა და რამდენი წაიღეს ქურდებმა მათთვის უცნობია, თუმცა ბოლო პერიოდის საეკლესიო დღესასწაულებიდან გამომდინარე, ვარაუდობენ, რომ თანხა მცირე არ იქნებოდა.
ადგილზე სამართალდამცველები “მთავარი არხის” გადამღები ჯგუფის მისვლის შემდეგ მივიდნენ. ტაძრის ტერიტორიაზე საგამოძიებო მოქმედებები მიმდინარეობს.