სამეგრელო-ზემო სვანეთის დევნილთა სამმართველოში ის დევნილები მივიდნენ, რომლებიც სიაში ვერ მოხვდნენ და ბინებს ვერ მიიღებენ. აქციის მონაწილე დევნილები მინისტრის მოადგილისგან მკაცრ განმარტებებს ითხოვენ, თუ რატომ არ მოხდა მათი ბინებით დაკმაყოფილება. სამმართველოში დევნლებსა და სამინისტროს წარმომადგენლებს შორის დავა ხმაურისა და სიტყვიერი დაპირისპირების ფონზე მიმდინარეობს.აქვე იმყოფებიან ოპოზიციური პარტიების წარმომადგენლებიც, რომლებიც დევნილთა სამინისტროს ბინების არასწორად გაცემასა და კორუფციულ გარიგებებში ადანაშაულებენ. ლტოლვილთა და განსახლების სამინისტრომ დღეს ზუგდიდში,ბარამიას ქუჩაზე, ორ თორმეტსართულიან კორპუსში საცხოვრებელი ფართები 144 დევნილოჯახს გადასცა. 72 ერთოთახიანი,48 ოროთახიანი და 24 სამოთახიანი ბინა დევნილ ოჯახებზე კენჭისყრის პრინციპით გადაწილდა. სამინისტროს ცნობით, გათვალისწინებულ იქნა შეზღუდული შესაძლებლობების მქონე პირთა საჭიროებები და მათ ბინები პირველ სართულებზე გადაეცათ. კენჭისყრის პროცედურას მინისტრის პირველი მოადგილე გიგა გიორგაძე დევნილთა საკითხების შემსწავლელი კომისიის წევრებთან ერთად დაესწრო. კომისიის გადაწყვეტილებით, ამ ეტაპზე, ზუგდიდში 7 ნგრევადი შენობა იხურება და იქ მცხოვრებ ოჯახებს ბინები ახალაშენებულ კორპუსებში გადაეცემათ.ბინების გადაცემის პროცესს ხმაურის გარეშე არ ჩაუვლია. უკმაყოფილო დევნილების განცხადებით, აღნიშნული პროცესი არასამართლიანად წარიმართა, რომლის შედეგად შედარებით მაღალქულიანები ბინების გარეშე დარჩნენ, როცა დაბალქულიანებს დაუკმაყოფილდათ მოთხოვნა. აღნიშნულს კატეგორიულად არ ეთანხმება ლტოლვილთა და განსახლების მინისტრის პირველი მოადგილე. გიგა გიორგაძის თქმით, ის მზად არის თითოეულ მათგანს შეხვდეს და მათ კითხვებზე პასუხები გასცეს.ზუგდიდში, ბარამიას ქუჩაზე კიდევ 4 კორპუსის მშენებლობა მიმდინარეობს, სადაც 2017 წლის ბოლომდე ბინას 288 დევნილი ოჯახი მიიღებს.
დევნილებსა და სამინისტროს წარმომადგენლებს შორის დავა ხმაურისა და სიტყვიერი დაპირისპირების ფონზე მიმდინარეობს.
Published on