წუხელ, ღამის 12 საათზე ქუთაისში ბუხაიძის ქუჩაზე მდებარე ერთ-ერთი სასურსათო მაღაზიის დაყაჩაღება სცადეს. მსგავსი შემთხვევები ქვეყანაში არსებული მძიმე კრიმინოგენული სიტუაციის ფონზე აღარავის უკვირს, მაგრამ იყო ერთი ,,მაგრამ'' : . მაღაზიაში მხოლოდ ორი გოგონა – ორი თანამშრომელი იმყოფებოდა, როცა იქ ერთი შეიარაღებული პირი შეიჭრა და მათგან ნავაჭრი თანხა მოითხოვა. ერთერთმა გოგონამ შიშველი ხელებით შეძლო მძარცველის განიტრალება.
"ახალგაზრდა ბიჭი კეპის ქუდით და დანით ხელში შემოვარდა და ჩვენი შეშინება სცადა. ალბათ, ეგონა რომ რადგან გოგოები ვიყავით შეგვაშინებდა, მაგრამ პირიქით მოხდა. არ შევშინდი და საკუთარი ხელებით ვცემე. ისეთ დღეში ჩავაგდე პატრულის მოსვლას ნატრულობდა. ამასობაში მეორე თანამშრომელმა პატრულს გამოუძახა და ისიც 10 წუთში მოვიდა", – ამბობს მარკეტის თანამშრომელი რადიო პირველთან საუბარში
თავდამსხმელი დაკავებულია. მიმდინარეობს გამოძიება დაყაჩაღების მცდელობის მუხლით