2014-დან 2015 წლამდე პერიოდში პატიმრების რაოდენობა ევროპულ ციხეებში 6.8%-ით შემცირდა, თუმცა ციხეების პატიმრებით გადატვირთულობა ევროპის 15 ქვეყანაში პრობლემად რჩება, – ამის შესახებ ნათქვამია ევროპის საბჭოს პენიტენციური სტატისტიკის ყოველწლიურ ანგარიშში, რომელიც დღეს გამოქვეყნდა. 

 

ანგარიშის თანახმად, აღნიშნულ პერიოდში ციხის საკანში მოთავსების ინდექსი ყველაზე მეტად გაიზარდა საქართველოში (+20.5%), ქვეყანაში 100 000 მოსახლეზე 274.6)  პატიმარი მოდის, ეს ველაზე მარალი მაჩვენებელია  რუსეთისა (439.2 პატიმარი)  და  ლიტვის  (277.7) შემდეგ.

 

ანგარიშში აჩვენებს, რომ ევროპის ციხეებში ყოველი მეხუთე პატიმარი ნარკოტიკულ დანაშაულთან დაკავშირებით იხდის სასჯელს. თუმცა საქართველოში  ეს მაჩვენებელი ბევრად მაღალია და 25 პროცენტს აღემატება, დანაშაულის სტატისტიკაში მეორე ადგილზეა ქურდობა, მესამეზე კი – მკვლელობა.

 

საქართველოში ქალი პატიმრების წილი 3.1 პროცენტია, რაც მნიშვნელოვნად დაბალია ევროპის საბჭოს ქვეყნების საშუალო მაჩვენებელზე. 

 

ასევე, ანგარიშის თანახმად, საქართველოში არ არის გადატვირთული სასჯელაღსრულების დაწესებულები და თითოეულ პატიმარზე დღიურად საშუალოდ 6 ევრომდე იხარჯება. ეს ყველაზე დაბალი მაჩვენებელია კვლევაში მონაწილე ქვეყნებს შორის.