ზუგდიდის საზოგადოებრივი ჯანდაცვის ცენტრის ინფორმაციით, ინფექციურ საავადმყოფოში კორონავირუსზე 227 პირის ნიმუში გამოიკვლიეს. მათ შორის: ცხელების ცენტრების 22 პაციენტი, მედპერსონალის 76 წარმომადგენელი, თვითიზოლაციიდან 5 პირი, შსს-ის 111 თანამშრომელი, 13 მძღოლი. ყველა პასუხი უარყოფითია. მათ შორის სატვირთოს მძღოლის პირველი ტესტირების პასუხი ახალ კორონავირუსზე უარყოფითია, რომელსაც კორონავირუსი 6 ივლისს დაუდასტურდა და რუხის საუნივერსიტეტო კლინიკაშია მოთავსებული.