ბათუმში სუვენირებით მოვაჭრეებმა საპროტესტო აქცია გამართეს. ისინი  არ ეთანხმებიან მერიისგან შეთავაზებულ პირობას, რომლის თანახმადაც, 70 მოვაჭრეს 25 ჯიხურს სთავაზობენ. 

 

აქციის მონაწილეების თქმით, აღნიშნული 25 ჯიხურის განაწილებას ვერ მოახერხებენ. როგორც აქციის ერთ-ერთი მონაწილე ნინო მეფარიშვილი აცხადებს, მერია მათ რიგრიგობით ვაჭრობას სთავაზობს. 

 

„ბათუმის მერია 25 ჯიხურს გვთავაზობს და ასე როგორ ვიმუშავებთ საინტერესოა. რამდენი მოვაჭრე ვართ იმდენი ჯიხური მოგვაწოდონ. მართალია, ჯიხურები ქალაქს აუშნოებს, მაგრამ ჩვენს მდგომარეობაშიც შევიდნენ. ვრჩებით უმუშევარი“, – აცხადებს ნინო მეფარიშვილი.