დღეს , 14:00 საათზე თბილისში   პარლამენტის შენობის წინ რუსთავი 2-ის მხარდამჭერი აქცია-კონცერტი დაიწყება.

სცენიდან მაყურებელს სამაუწყებლო კომპანიის სახეები მიმართავენ და იქ შეკრებილებს კიდევ ერთხელ განუმარტავენ რუსთავი2-ის გარშემო შექმნილ ვითარებას.

კონცერტში მონაწილეობენ  რუსთავი 2 – ის  პროექტების გამარჯვებულები და ის მომღერლები, რომლებიც მაყურებელმა სწორედ სამაუწყებლო კომპანიის ეთერით გაიცნო.

რუსთველის გამზირზე აქცია-კონცერტისთვის მოსამზადებელი სამუშაოები ამ წუთებში მიმდინარეობს.

შეგახსენებთ, აქცია „რუსთავი2“-ის ინიციატივით იმართება, თუმცა მას სხვადასხვა პოლიტიკური პარტიისა და არასამთავრობო ორგანიზაციის წარმომადგენლები უერთდებიან. 

გუშინ ოპოზიციური პოლიტიკური პარტიებისა და არასამთავრობო სექტორის წარმომდგენლებთან კიდევ ერთი შეხვედრა გამართა არხის გენერალურმა დირექტორმა, ნიკა გვარამიამ. მან შეხვედრაზე იმ გამოწვევებზე გაამახვილა ყურადღება, რომელიც, მისი თქმით, არხის ირგვლივ არსებობს.