ხვალ ევროპული სასამართლოს დიდი პალატა საქართველოს ყოფილი შინაგან საქმეთა მინისტრის ვანო მერაბიშვილის საქმეს განიხილავს – საუბარია მისი ციხის საკნიდან შესაძლო გაყვანის ფაქტზე.
განხილვა ზეპირი მოსმენით მოხდება.
სასამართლო სხდომაზე მხარეები საკუთარ პოზიციებს წარმოადგენენ.
პროცესი ხვალვე დასრულდება, თუმცა როდის გამოიტანს დიდი პალატა გადაწყვეტილებას, უცნობია.
,,დიდი პალატის ზეპირი მოსმენა გაიმართება 8 მარტს, სასამართლო განიხილავს თავიდან ბოლომდე მთელს საქმეს და დაადგენს დაირღვა თუ არა ვანო მერაბიშვილის საქმეზე ადამიანის უფლებათა კონვენცია. უჩა ნანუაშვილი, როგორც სახალხო დამცველი მერაბიშვილის ციხიდან გაყვანის შემდგომ შეხვდა ბრალდებულს, გაესაუბრა, მიიღო მისგან ინფორმაცია, შეასრულა სახალხო დამცველის ვალდებულებები. ამასთან დაკავშირებით მოგვაწოდა ინფორმაცია, რაც წარვადგინეთ სასამართლოში,“ – განაცხადა მერაბიშვილის ადვოკატმა ოთარ კახიძემ, რომელიც სტრასბურგშია ჩასული
„