დღეს დილით ზუგდიდის სამხარეო ადმინისტრაციისა და მერიის შენობაში შეკრებილმა შიდა მოვაჭრეებმა ქალაქის მერთან ირაკლი გოგოხიასთან შეხვედრა მოითხოვეს.
რამდენიმე მათგანი შეხვდა მერს და თავისი მოთხოვნები გააცნო. მიღებული დაპირების შემდეგ, რომ მერია შეეცდება გაითვალისწინოს მათი მოთხოვნები და მიიღოს ორივე მხარისთვის მისაღები გადაწყვეტილება, საპროტესტო აქციის მონაწილეები დაიშალნენ.
შიდამოვაჭრეების დღევანდელი აქცია არ არის პირველი, ისინი დიდი ხანია მოითხოვენ უფრო მკაცრად დარეგულირდეს ან საერთოდ აიკრძალოს გარევაჭრობა ბაზრის უშუალო მისადგომებთან და, პირველ რიგში, შესასვლელთან, მაგრამ პრობლემა მოუგვარებელი რჩება.
ზუგდიდის ბაზრის შიდამოვაჭრეების თქმით, გარემოვაჭრეების შეუძღუდავი საქმიანობა არათანაბარ პირობებში აყენებს მათ, რადგან მომხმარებელი, რომელსაც შესაძლებლობა აქვს ბაზრის წინ გარემოვაჭრეებისგანა შეიძინოს პროდუქტი, ბაზარში აღარ შედის და ეს მომხმარებელს უკარგავს შიდამოვაჭრეებს, შესაბამისად უარყოფითად მოქმედებს მათ შემოსავლებზე.
არათანაბარი პირობების არგუმენტად ასახელებენ ისინი აგრეთვე იმას, რომ გარემოვაჭრეებს არ ეკისრებათ გადასახადი, რომელიც სავალდებულოა შიდამოვაჭრეებისათვის და ამასთან განუწყვეტლივ იზრდება
.