ძალიან ბევრი რაღაც ვიცი, ვიცი ის საქმეები, რომელიც იქ ხორციელდებოდა, – ამის შესახებ პატრიარქის დაცვის სამსახურის უკვე ყოფილმა უფროსმა სოსო ოხანაშვილმა ”რუსთავი 2”-ის გადაცემაში ”პოსტსკრიპტუმი” განაცხადა. ”ამაზე საუბრისგან დღეს თავს შევიკავებ, მაგრამ დადგება დრო, როცა ყველაფერს ვიტყვი”, – განაცხადა ოხანაშვილმა. კითხვაზე, შეიძლება თუ არა, რომ ეს ინფორმაცია საზოგადოებისთვის შოკისმომგვრელი იყოს, ოხანაშვილმა განაცხადა, ”რა თქმა უნდა, იმაზე უფრო მეტი, რაც ახლა ხდება”. როგორც ოხანაშვილმა განმარტა, ეს ეხება ყველაფერს, როგორც ქონებას, ფინანსებს, ასევე გარიგებებს.კითხვაზე, შეიძლება ვივარაუდოთ, რომ აქ შეიძლება ადგილი გვქონდეს რიგი მღვდელმთავრების და საერო ხელისუფლებების წარმომადგენელთა უკანონო გარიგებებთან, ოხანაშვილმა აღნიშნა, რომ ”ყველაფერი შეიძლება”. ”მე ყველაფერს გავაკეთებ იმისთვის, რომ ხალხმა იცოდეს რა მოხდა, საზოგადოებამ გაიგოს სიმართლე და ეკლესია გათავისუფლდეს მსგავსი ბრძოლებისგან”, – განაცხადა სოსო ოხანაშვილმა.