ორშაბათს, თურქმა მესაზღვრეებმა, სარფის სასაზღვრო პუნქტში საქართველოს ორი მოქალაქე დააკავეს. პოლიციას საეჭვოდ მოეჩვენა კაცი, რომელსაც ხელში ჩემოდანი ეკავა და მისი გახსნა მოითხოვა. ჩემოდანში ქალი აღმოჩნდა, – წერს თურქული Daily Sabah-ი.
დაკითხვის დროს პოლიციამ გაარკვია, რომ 28 წლის ქალი თურქეთიდან დეპორტირებული იყო. წყვილი დააკავეს, გამოძიება კი გრძელდება.
გამოცემა წერს, რომ ანალოგიური შემთხვევა სამი დღით ადრე, იგივე სასაზღვრო პუნქტში მოხდა. უსაფრთხოების სამსახურის თანამშრომლებმა დიდ ხელჩანთაში ადამიანი იპოვეს, რომელიც უკანონოდ ცდილობდა თურქეთის ტერიტორიაზე შეღწევას.
წყარო: Imedinews.ge