ოჯახში ძალადობის შემთხვევა ბათუმში. დედა11 წლის შვილზე ძალადობაში ბავშვის მამას ადანაშულებს. ბავშვის დედა დეტალურად იხსენებს იმ დღეს, როდესაც შვილმა დაურეკა და მამის სახლიდან წაყვანა სთხოვა.ინფორმაციას ამის შესახებ ინტერნეტგამოცემა პრაიმტაიმი ავრცელებს.“ბავშვი მოწამლული იყო და სკოლაში მე არ გავუშვი. იმ დღეს სამსახური მქონდა და დილით ბავშვი მამის ოჯახში დავტოვე. დამირეკა შვილმა, მოდი სასწრაფოდ და წამიყვანეო. მივედი. ეზოში იდგა ფეხშიშველი და ხმას არ იღებდა… სახლში შესვლა აღარ მინდაო. სოფელში წავედით ჩემებთან. გზაშიც არაფერი მითხრა, არც სახლში უთქვამს რამე. დაძინების დროს აღმოვაჩინე, ზურგი დაწითლებული ჰქონდა. მაშინ მითხრა, მამამ მცემაო”.დედის ჩვენების მიხედვით, მას პოლიციისთვის არ დაურეკავს. მისი თქმით, მან სასწრაფო გამოიძახა და მოულოდნელად პოლიციელებიც მოვიდნენ.“ყოფილ მეუღლესაც ველაპარაკე, ეს რა გააკეთე-მეთქი. ღირსი იყო და ვცემეო, ასე მიპასუხა”.დაზარალებული არასრულწლოვანიის ინტერესებს სასამართლოში იურიდიული დახმარების სამსახურის იურისტი იცავს, ხოლო ბრალდებულის ადვოკატი რამინ პაპიძეა.ბრალდებული წინასწარ პატიმრობაში არ იმყოფება. ბრალის დადასტურების შემთხვევაში, მას საზოგადოებისთვის სასარგებლო შრომა მოუწევს, ან სამ წლამდე თავისუფლების აღკვეთა.ცნობისთვის, ოჯახში ძალადობის შემთხვევას, რომლის მიხედვითაც მამას შვილის ცემაში ედება ბრალი,  ბათუმის საქალაქო სასამართლოში მოსამართლე, გიორგი გრატიაშვილი განიხილავს.