ზუგდიდის რეფერალურ საავადმყოფოში გალიდან გადმოსულ მამაკაცს COVID-19 არ დაუდგინდა. ინფორმაცია ამის შესახებ ჟურნალისტებს ზუგდიდის რეფერალურ საავადმყოფოში დაადასტურეს.
ოკუპირებული აფხაზეთიდან შემოსულ პირს, რომელიც ანაკლიის საკარანტინო ზონიდან წუხელ შეიყვანეს ჰოსპიტალში, თანმხლები დაავადებაც აქვს. პაციენტი ისევ გადაყვანილია საკარანტინო ზონაში.
რაც შეეხება პაციენტს, რომელიც საავადმყოფოს ბოქსირებულ განყოფილებაშია მოთავსებული, ცალმხრივი პნევმონია აღენიშნება, მისი ანალიზები გადაგზავნილია ლუგარის ლაბორატორიაში.