,,უკრაინა უარს იტყვის გია ცერცვაძის რუსეთისათვის გადაცემაზე თუ გამოვლინდა, რომ არსებობს სიცოცხლის საფრთხის ან წამების ალბათობა '' – აცხადებს უკრაინის გენერალური პროკურორის მოადგილე ევგენი ენინი .
„ამ ეტაპზე არ მაქვს ინფორმაცია, რომ რუსეთმა ექსტრადაციის მოთხოვნა გამოაგზავნა. საერთაშორისო კონვენციებით მათ ამისთვის 40 დღე აქვთ. ამ ეტაპზე არ ვფლობ ინფორმაციას, რომელი გამსვლელი პუნქტები გაიარა ცერცვაძემ, როდესაც უკრაინაში მოემგზავრებოდა. თუმცა, როდესაც ჟულიენის აეროპორტში დაეშვა, სისტემამ გვაცნობა, რომ ეს პიროვნება საერთაშორისო ძებნაშია.
რაც შეეხება რუსეთის და საქართველოს სპეცსამსახურების კონტაქტებს, ამაზე კომენტარის გაკეთება არ არის ჩვენი კომპეტენცია. უკრაინისთვის პრინციპულია საერთაშორისო ვალდებულებების დაცვა. თუ არსებობს წინაპირობა, რომელიც სიცოცხლის საფრთხეზე მიანიშნებს ან წამების ალბათობაზე ამ შემთხვევაში ჩვენ ექსტრადირებაზე უარს ვამბოთ“ – განაცხადა ენინმა.