უცხოური პრესის მიერ გავრცელებულ ინფორმაციას, რომ რპმის პაპს და მის თანმხლებ ორ პირს კორონავისრუსი დაუდგინდა, ოფიციალურად არ ადასტურებს ვატიკანი. თუმცა, სააგენტოები პაპის ჯანმრთელობის მდგომარეობის გაუარესების შესახებ ინფორმაციას რამდენიმე დღეა ავრცელებენ.
რომის პაპმა საჯარო ღონისძიებები გადადო და სახლიდან მუშაობს. ვატიკანის განცხადებით ის თავს კარგად ვერ გრძნობს. ოთხშაბათს, წირვის დროს პაპს გაციების სიმპტომები აღენიშნებოდა. ის ხშირად ახველებდა. წირვის დაწყებამდე კი მრევლთან ჰქონდა ურთიერთობა და ბევრ მათგანს ხელი ჩამოართვა.
სააგენტო ასოშეითედ პრესი ხაზს უსვამს, რომის პაპი ფრანცისკი იშვიათად აუქმებს დაგეგმილ ღონისძიებებს. ვატიკანის განცხადებაში კორონავირუსი არ არის ნახსენები და მხოლოდ ის არის ნათქვამი, რომ პაპი შეუძლოდ არის.