ტელეკომპანია "იბერიის" ჟურნალისტი გიორგი გასვიანი დღეს მთავარ პროკურორს ირაკლი შოთაძეს შეხვდება. ის აპირებს ასევე ბორჯომში შეხვდეს პროკურორებს და გაეცნოს საქმის დეტალებს, ამის შემდეგ კი, დაგეგმილია მისი და მთავარი პროკურორის შეხვედრაც. ”ჯერ ბორჯომში შევხვდები პროკურორებს. შეხვედრას დაესწრება ჩემი ადვოკატიც. გავეცნობი თუ როგორ მიმდინარეობს გამოძიება. ამის შემდეგ შევხვდები მთავარ პროკურორს ირაკლი შოთაძეს. მან მითხრა, დეტალურად ჩაგაყენებ საქმის კურსში და საქმის დეტალებს გაგაცნობო. ბორჯომში პროკურორებთან შეხვედრის შემდეგ უფრო მეცოდინება რაზე ვისაუბრებ ირაკლი შოთაძესთან. ზუსტი დრო არ არის დანიშნული”, – განაცხადა გიორგი გასვიანმა. ტელეკომპანია "იბერიის" ჟურნალისტი გიორგი გასვიანი ბორჯომის პოლიციის თანამშრომელს სიტყვიერ და ფიზიკურ შეურაცხყოფაში ადანაშაულებს.
ტელეკომპანია “იბერიის” ჟურნალისტი გიორგი გასვიანი დღეს მთავარ პროკურორს ირაკლი შოთაძეს შეხვდება
Published on