შვილად აყვანისა და მინდობით აღზრდის შესახებ კანონპროექტს განიხილავენ დღეს იურიდიულ საკითხთა კომიტეტში. ცვლილებებზე უკვე იმსჯელა პირველი მოსმენით ადამიანის უფლებათა დაცვის კომიტეტმა.კანონპროექტის მიზანია ისეთი რეგულაციების ამოქმედება, რაც ხელს შეუწყობს გასაშვილებელი ბავშვის სტაბილურ ოჯახურ გარემოში აღზრდას. დგინდება მშვილებელსა და გასაშვილებელ ბავშვს შორის ასაკობრივი სხვაობა.„დადგინდება ზედა ზღვარი, ასევე კანონპროექტი ადგენს რამდენი უნდა იყოს ასაკობრივი სხვაობა ნაშვილებსა და მშვილებელს შორის. მნიშვნელოვანი სიახლეა ასევე ამ პაკეტის, რომ ეკისრებათ ვალდებულება მშვილებლებს, რომ გაიარონ სპეციალური სერთიფიცირებლი მოსამზადებელი კურსები. ეს არის აუცილებელი ბავშვის მომავალი ინტერესებიდან გამომდინარე,“-განაცხადა იურიდიულ საკითხთა კომიტეტის თავმჯდომარემ ეკა ბესელიამ.კანონპროექტით საქართველოში მუდმივად მცხოვრები პირებისთვის, რომელთაც სურთ ბავშვის შვილად აყვანა მკაცრდება ნასამართლეობასთან დაკავშირებული პირობებიც. არსებულ კანონში ცვლილებების შეტანის აუცილებლობაზე საუბრობენ ნაციონალურ მოძრაობაშიც.ელენე ხოშტარიას თქმით, საკითხი სენსიტიურია და ცვლილებებს მიღებამდე საფუძვლიანი მსჯელობა სჭირდება.