ზუგდიდის რაიონულ სასამართლოში გაიმართა წინასასამართლო სხდომა ჯიხაშკარის 79-ე უბანზე მომხდარ დაპირისპირებაში ბრალდებულ მანუჩარ გაბეჩავას საქმეზე.
ბრალდებისა და დაცვის მხარეებმა მტკიცებულებები გაცვალეს, ასევე დღევანდელ პროცესზე ცნობილი გახდა, რომ მანუჩარ გაბეჩავა წარდგენილ ბრალში თავს დამნაშავედ ცნობს და საპროცესო შეთანხმებაზე განცხადების შეტანას გეგმავს.
შეგახსენებთ, დაკავებული წინა სასამართლო პროცესზე უარყოფდა თავის ბრალეულობას და დღევანდელისგან განსხვავებით აღნიშნავდა, რომ ჯიხაშკარში მომხდარი დაპირისპირების დროს 79-ე უბანზე არ იმყოფებოდა.
ჯიხაშკარის ინციდენტზე ბრალდებული მანუჩარ გაბეჩავა „ქართული ოცნება – დემოკრატიული საქართველოს“ წევრი და პარტიის ერთ-ერთი კოორდინატორია